"Elimu Bure" 2016.....Season ONE!

WIZARA ya Elimu, Sayansi na Ufundi imetoa waraka wa elimu kuhusu elimumsingi bila malipo na kutoa orodha ya shule za msingi 11 za Serikali ambazo hazihusiki na utoaji wa elimu bure uliotangazwa na Rais John Magufuli. Elimumsingi inajumuisha elimu ya awali, ya msingi na sekondari ambayo itaanza Januari mwakani.

Katika Waraka Elimu Namba 6 wa Mwaka 2015 kuhusu utekelezaji wa elimu bure kwa shule za msingi na sekondari wizara hiyo imetoa majukumu yanayotakiwa kufanywa na Wizara hiyo, Tamisemi, wakurugenzi wa manispaa na halmashauri ya wilaya, wakuu wa shule, bodi za shule, wazazi na wananchi.

Majukumu ya wazazi na walezi Kuanzia Januari, wazazi wanatakiwa tu kununua sare za shule na michezo, vifaa vya kujifunzia vikiwemo madaftari na kalamu, na chakula kwa wanafunzi wa kutwa na kugharimia matibabu kwa watoto wao.

Wanatakiwa pia kulipia nauli ya kwenda shule na kurudi kwa wanafunzi wa kutwa na wanafunzi wa bweni wakati wa likizo; kununua magodoro, shuka, vifaa vya usafi binafsi kwa wanafunzi wanaosoma shule za bweni na wanaoishi katika hosteli zinazotumiwa na serikali; na kukemea na kutoa taarifa kuhusu mienendo inayokwenda kinyume na elimumsingi bila malipo.

Wazazi na wananchi wengine pia wanatakiwa kuendelea kujitolea nguvu kazi na mali ili kuleta ustawi na maendeleo ya shule zilizoko ndani ya jamii.

Ninakumbuka sana kuwa hata wakati wa Jakaya Kikwete serikali ilitangaza.kutoa elimu bure lakini ikahimiza watu kuendelea kujitolea nguvu na.mali kuleta ustawi wa shule katika maeno shule ziliko.

Tafsiri ya kauli hii ilimaanisha kuwa bosi za shule zilikuwa na uhuru wa kutumia nguvu za wazazi katika maeneo shule ziliko kusaidia ustawi wa shule. Ninkatika mantiki hiyo bodi zikaanzisha michango ya madawati, majengo, chakula, ulinzi, kuandaa mitihani ya kujipima n.k

Halikuwa kosa kisheria kwa bodi za shule kwasababu mwanya huo ulikuwepo. Serikali ya awamu ya tano inaturudisha pale pale kwenye ombwe la tamko/waraka ambapo tunaweza kujikuta tunasigana kati ya wazazi.na bodi za shule.

Tunatofautishaje michango ya hiari kwa shule na ulazima wa wazazi kuchangia ustawi wa shule maeneo yao?
‪#‎MabadilikoTanzaniaSeason01‬

BY: Emmanuel P Lema