NEWS: NAVY KENZO (@NavyKenzo) WAFANYA COLLABO NA KUNDI KUTOKA GHANA

Kundi la Navy Kenzo linaloundwa na producer na muimbaji pamoja na mwimbaji Aika hivi karibuni walikuwa nchini South Africa walikoenda kutumbuiza mbele ya maelfu katika tamasha la African Music Concert (AMC)

Baada ya tamasha hio lililofanyika Jumamosi Nov 21. Jijini Johannesburg, na kuwakutanisha wasanii mbalimbali wa Africa kwenye jukwaa moja kama Wizkid, Davido, Vanessa Mdee, Victoria Kimani na wengine, hit makers hao wa “Game”, Navy Kenzo walipata fursa ya kuingia studio kurekodi colabo na kundi la R2Bees kutoka nchini Ghana.

“Something z comin @navykenzoofficial ft @r2beesmusic #goodmusiconly” aliandika Nahreel kwenye ukurasa wake wa Instagram.

R2Bees ni kundi linaoundwa na wasanii wawili ambao ni ndugu (binamu), Faisal Hakeem (Paedae da Pralem) na Rashid Mugeez (Mugeez). Miongoni mwa tuzo  kubwa walizowahi kushindania ni pamoja na BET Awards 2013 Best International Act: Africa na ni washindi wa tuzo nyingi zikiwemo 9 za Ghana Music Awards.