BOCCO KUZIFUNGA ETHIPIA NA RWANDA

Nahodha wa Kili Stars, John Bocco.

Baada ya kuifunga Somalia mabao 4-0, nahodha wa Kili Stars, John Bocco amesema mwanzo mzuri wa mabao watauendeleza watakapocheza dhidi ya Rwanda leo na Ethiopia Jumamosi wiki hii.

 

Bocco aliliambia gazeti hili jana kuwa hawawezi kubweteka na ushindi mkubwa dhidi ya timu dhaifu ya Somalia, kwani dhamira yao ni kushinda mechi zote na kutwaa taji.

 

" Hatutabweteka, tutapambana kuhakikisha tunazifunga Rwanda na Ethiopia. Kila mchezaji ana moyo wa kupambana na kila mmoja yuko tayari kulipigania taifa," alisema nahodha huyo.

 

Beki Mohamed Hussein 'Tshabalala' alisema hali ya hewa ya baridi kali inawapa wakati mgumu, lakini hilo haliwezi kuwa tatizo la kukosa ushindi.

 

Katika mchezo wa kwanza, Rwanda waliwaduwaza wenyeji wa mashindano kwa kuwafunga bao 1-0 mwishoni mwa wiki iliyopita.

 

CHANZO: NIPASHE