KINANA-WANANCHI WA KARATU WANA HAKI YA KUPATA HUDUMA MBALIMBALI ZA MAENDELEO KAMA WENGINE.

Katibu Mkuu wa CCM Ndugu Abdulrahman Kinana akiwahutubia wananchi Mjini Karatu na kujibu hoja mbalimbali za Wananchi,ambapo aliwaeleza wananchi hao kuwa maswali mengi yanahusu kujibiwa na Mbunge wa jimbo hilo ambaye ni wa upinzani, Madiwani na Mwenyekiti wa halmashauri kwa kuwa ndiyo wenye kusimamia miradi na kuwapa taarifa wananchi, Lakini viongozi hao wamekuwa wakifanya mambo wanavyotaka na kuacha wananchi wakipata taabu kwa sababu ni wa chama cha Upinzani (CHADEMA).

Hata hivyo Kinana amesema wananchi wa Karatu ni Watanzania na wana haki ya kupata huduma mbalimbali za maendeleo na serikali ya CCM haitawaacha kama wanavyoachwa na viongozi wao wa CHADEMA waliowachagua wenyewe.

Kinana akiwa ameambatana na Katibu wa NEC Itikadi na Uenezi Nape Nnauye wako kwenye ziara ya siku tisa ya kikazi mkoani Arusha wakihimiza na kukagua utekelezaji wa ilani ya uchaguzi ya CCM ikiwemo na kusikiliza matatizo ya Wananchi na kuyapatia ufumbuzi,hata hivyo katika wilaya ya Karatu imeonekana kukwamishwa na Mbunge wa jimbo hilo Mchungaji Israel Natse Chadema, Mwenyekiti wa Halmashauri hiyo na madiwani kwa kuitenga baadhi ya miradi ambayo ipo katika vijiji ambavyo madiwani na wenyeviti wa vijiji wanatoka Chama cha Mapinduzi CCM ambapo wananchi wa kijiji hicho wamemlalamikia Kinana.

Wananchi hao wakisoma risala yao mbele ya Katibu Mkuu wa CCM Ndugu Abdulrahman Kinana wamesema madiwani hao wamekuwa wakipiga kura katika baraza la madiwani la Halmashauri ya wilaya ya Karatu kwa kutumia wingi wao na kuziondoa fedha katika miradi hiyo wakizitumia bila kufuata utaratibu huku wananchi wakiwa hawajui la kufanya.

Mfano mradi wa Kituo cha afya cha Baray Mbuga Nyekundu ambapo serikali kuu ilitenga na kupeleka fedha kiasi cha shilingi milioni 60 katika halmashauri hiyo kwa ajili ya ujenzi wa majengo ya kituo hicho, lakini fedha hizo zimeondolewa katika mradi huo na madiwani hao na hazijulikani zimefanya kazi gani huku wananchi wakitaabika kwa kutopata huduma nzuri za afya kijijini hapo.

Baadhi ya wafuasi wa chama cha CCM wakishangilia jambo uwanjani hapo.

Mkuu wa mkoa wa Arusha Mh. Felix Ntibenda akiwasalimia wananchi kwenye mkutano huo uliofana kwa kiasi kikubwa.

Katibu wa NEC Itikadi na Uenezi Nape Nnauye akiwahutubia wananchi wa Karatu waliojitokeza kwa wingi katika mkutano huo wa hadhara

Baadhi ya wananchi wakifuatilia kwa makini yaliyokuwa yakizungumzwa na Katibu Mkuu wa CCM,Ndugu Kinana kwenye mkutano huo wa hadhara.

Wananchi wa kijiji cha Baray-Mbuga Nyekundu wakimshangilia Katibu wa NEC Itikadi na uenezi,Nape Nnauye alipozungumza kabla ya Katibu Mkuu wa CCM,Ndugu Kinana kushiriki ujenzi wa jengo la kituo cha upasuaji afya .