DAR YA CHAFUKA USIKU HUU PANYA ROAD KILA KONA YA JIJI WATU WAJIFUNGIA NDANI

Hali ya kuogopesha imetanda katika maeneo ya jijini Dar es Salaam hasa maeneo ya Sinza, Kinondoni, Mwananyamala, Mabibo, Magomeni, Manzese, Kagera na Mburahati usiku huu,kwa kile kinachoelezwa kuwa kuna kundi la vijana waitwao Panya Road wamevamia maeneo hayo na kuingia kwenye baadhi ya maduka kwa lengo la kuiba na kuwajeruhi watu kwa vitu vyenye ncha kali (visu na mapanga) walivyokuwa navyo.

 hali si shwari katika maeneo mengi hapa jiji la Dar,maana watu wanakimbia hovyo barabarani kwa kuwakwepa Panya Road hao ambao wamechafua kabisa hali ya hewa hapa mjini.

Maduka mengi ambayo siku zote hufanya biashara mpaka usiku wa kati,leo hii yamefungwa mapema kwa kuhofia kudhuriwa na Panya Road.

Chanzo chetu cha habari kinaeleza kuwa vijana hao waitwao Panya Road wameibuka na kufanya uhalifu huo mara baada ya tukio la Mwenzao mmoja kudaiwa kuuwawa na Polisi.Aidha Chanzo hicho kimebainisha kuwa baada ya taarifa kusambaa kwa haraka,kimeeleza kuwa Jeshi la Polisi limeingia kazini kuwasaka watuhumiwa hao walioibua tafrani kubwa usiku huu. 

Wadau tutazidi kuwaletea taarifa zaidi kuhusiana na tukio hilo kadiri ya zitakavyokuwa zikipatikana.